Ala-ja ylämäkipotkukelkkailun SM-kisat lähestyy

Ala-ja ylämäkipotkukelkkailun SM-kisat 2010 , YLLÄS/ÄKÄSLOMPOLO 20.11.

Näin Savon kesäkeleissä on syytä kerrata kisan säännöt hyvissä ajoin.

Potkuri-kisojen säännöt: 
1§ Kilpailu käyhään etukätheen harppomalla mitatulla ja merkityllä aluheela.
2§ Rata tulhaan tekehmään niin liukhaaksi ja nopeaksi ko mahollista.
3§ Rattaa ei saa itte kilpailija muokata ollenkhaan. Kilpailua vaarantavat esteet saapi tietenki heittää hankheen.   
4§ Etheenpäin saapi mennä juoksemalla tai Potkimalla niin lujjaa ko kintuista saapi irti, niin no kelkka pittää tietenki olla völjyssä eli matkassa koko matkan.
5§ Kisassa ei saa harrastaa minkhäänlaista vilppiä eli sivule suuntautuva Potku, purjevoima, moottorit tai muut vempelheet, jokka ei kuuluu tavallisheen kelkkaihluun on ehtottomasti pois kisasta.
6§ Lähössä kelkan ja Potkijan tullee olla kiltisti lähtöviivan takana.
7§ Lähettäjän tullee tehhä samalalaila ko yleisurheilu kisoissa, kattothaan sitte paikala, miten se tapahtuu. 
8§ Lähtö tapahtuu suohraan liukhaan jään päältä ilman mithään vippas konsteja.
9§ Lähössä saapi vain Potkia normaalilla tavalla.
10§  Maahliin on tullu ko rinnat ylittävät maalilinjan, kelkan pittää olla Potkijan alla tukevasti.
11§  Toisia Potkijoita ei saa tahalhaan kiilata methään, voipi käyä kaverille köpelösti ja ittekki joutua kisasta ulos.
12§  Toupinkia ei saa käyttää, mutta lämpimän totin saapi nauttia jos viluttaa.
13§ Toisen Potkijan perässä saapi lasketella eli peesata, mutta ohikki voipi koittaa. 
14§ Jalasten lämmittäminen kielletty, mutta lämpimän totin saapi ottaa (katto pykälä 12) 
15§ Liukupinnan voitelu on sallittu. Kelkan pittää tulla ehjänä maahliin, välilä saapi kuitenki kelkan/Potkijan huoltaa (katto pykälä12)
16§ Vasitella rikottu kelkka on Potkijan maksettava omasta pörsistä.
17§ Kilpailunumeron tullee osottaa ainaki etheenpäin ja sinnepäin kannattee ittekki Potkia.
18§ Kisat piethään säästä huolimatta, kylmälä kelillä kannattaa laittaa pässin pökkimät jalkhaan.
19§ Rata on siinä kunnossa, mihin järjestäjät on saahneet sen tehtyä. Son kaikile sama eikä estä Potkimista.
20§ Parkkarin eli kelkan kehittämistä  vauhtihirmuksi ei rajoteta, kunhan muistaa kattoa pykälän 5.
21§ Jos tullee erimielisyyksiä, niin kilpailun pomo voipi ratkasta asian. Jos ei vieläkhään kelpaa, niin tuomaristo tekkee lopullisen päätöksen.
22§ Parkkarin kehittelyä ei tule estää, katto pykälät 5 ja 20.
23§ Kilpailussa Potkithaan rehellisesti huumorin avittamana.
24§ Muutokset näihin pykähliin tehtäkhöön potkukelkka seurojen ja kansainvälisen potkukelkkailuliiton yhteishommana.
25§ Kilpailijat huristelevat mäkeä alle omala vastuula.
26§ Joukkuekishaan tarvithaan 3 henkeä, startti ja maahliin tulo häätyy tapahtua rintarinnan!!!